म्याग्दीका बाढिपिडितलाई लाफा जापानको सहयोग

२०७५ जेठ २९ गते मंगलबार, प्रकाशित

गत बैशाख २० गते आएको बाढी पहिरोका कारण विस्थापित बनेका म्याग्दीको भुरुङतातोपानीका बाढीपिडितहरुको लागी जापानको तोचिगीबासी नेपालीहरुले आर्थीक सहयोग गरेका छन । लाफा क्लव, तोचिगीको पहलमा तोचिगी लगायत जापानका बिभिन्न भागमा बस्दै आएका नेपालीहरुले सहयोग संकलन गरी पठाएका हुन ।

लाफा क्लवका कोषाध्यक्ष सन्तोष थापा मगरको संयोजकत्वमा भएको आर्थीक सहयोग संकलन अभियानमा १ लाख ३० हजार जापानी येन (नेपाली १ लाख २६ हजार ३५ रुपैयाँ) जम्मा भएको थियो । बाढिपिडितको सहयोगार्थ ४६ जनाले आर्थीक सहयोग गरेको लाफा क्लवका कोषाध्यक्ष सन्तोष थापा मगरले बताएका छन ।

सहयोग रकम राहत संकलन तथा वितरण कोषको गरिमा विकास र्बैकमा रहेको खाता नं. ०२२१०१००७०६९६००००००१ मा सिटी रेमिटमार्फत सिधै जम्मा गरिएको कोषाध्यक्ष थापाले जानकारी दिएका छन । सहयोग रकम सिटी एक्सप्रेस मनि ट्रान्सफर जापानले बिना शुल्क पठाईदिएको हो । बिभिन्न सामाजीक कार्यका लागी पैसा पठाउँदा सिटी रेमिट तोचिगीले निशुल्क सेवा दिने गरेको छ ।

गत बैशाख २० गते दिउँसो ४ः२० मा आएको बाढीले म्याग्दीको अन्नपुर्ण गाउँपालिका वडा नं. २, भुरुङ तातोपानीका ४ घरमा पुर्ण क्षति पुगेको थियो भने अन्य ११ घरमा आंशिक क्षती पुगेको थियो । पुर्ण क्षति पुगेका ४ परिवार मध्ये दुई घरपरिवारले कुनै सहयोग नलिने बताईसकेका छन ।