दुई भारतीय प्रहरी स्थानीयको नियन्त्रणमा

२०७३ भदौ ३१ गते शुक्रबार, प्रकाशित

फाईल तस्विर

कञ्चनपुरको बेलौरीमा एक स्थानीयको घरमा प्रवेश गर्न खोज्ने दुई भारतीय प्रहरीलाई स्थानीयले नियन्त्रणमा लिएका छन् । हतियारसहित एक स्थानीयको घरमा छापा मार्न आएका भारतीय प्रहरीहरुमध्ये दुईजनालाई स्थानीयले पक्राउ गरी प्रहरीको जिम्मा लगाएका हुन् ।

बेलौरी नगरपालिका १४ का स्थानीय झुपबहादुर शाहीको घरमा खानतलासी गर्न भन्दै आएका १४ जना भारतीय प्रहरीको जत्था स्थानीयको प्रतिकारपछि भागेका छन् ।

भारतीय प्रहरीमध्ये १२ जना भागे पनि दुई जनालाई स्थानीयले पक्राउ गरी प्रहरीको जिम्मा लगाएका थिए । स्थानीय भोडा चौकीले ती भारतीय प्रहरीलाई कञ्चनपुर जिल्ला प्रहरी कार्यालयमा बुझाएको छ ।