बिजुली काटेपछी टर्च बालेर बिरामीको उपचार

२०७३ असोज ३ गते सोमबार, प्रकाशित

विद्युत प्राधिकरणले बक्यौता रकम नतिरेको भन्दै हेटौंडा अस्पताल सहित दुईवटा प्राथमिक स्वास्थ्य चौकीको विद्युत लाइन कटौती गरेपछि विरामीको उपचारमा समस्या भएको छ । प्राधिकरणले हेटौंडा अस्पताल, जिल्ला जनस्वास्थ्य कार्यालय, प्राथमिक स्वास्थ्य चौकी भीमफेदी र मनहरीको विद्युत लाइन काटेको हो ।

विद्युत लाइन काटिँदा प्रसुति सेवा प्रदान गर्न र रातको समयमा आकस्मिक बिरामीको उपचार गर्न समस्या भएको स्वास्थ्य चौकी मनहरीका हेल्थ असिस्टेन्ट टीकाराम अधिकारीले बताउनुभएको छ ।

‘राति टर्च बालेर उपचार गर्नुपरेको छ, उहाँले भन्नुभयो–‘विद्युत कटौती भएपछि प्रसुति सेवा बन्द भएको छ’ । फ्रिजमा राख्नुपर्ने औषधि र भ्याक्सिन विद्युत अभावमा हेटौडाबाटै ल्याउनुपर्ने बाध्यता रहेको अधिकारीले बताउनु भयो ।