काठमाण्डौका स्कुलमा एकाबिहानै बम बिष्फोट

२०७३ असोज ४ गते मंगलबार, प्रकाशित

राजधानी काठमाण्डौका दुई बोर्डिङ्ग स्कुलमा एकाबिहानै बम बिष्फोट गराईएको छ । बौद्धको आकाशद्धिप बोर्डिङ स्कुल र मनोकामना उच्च माबिमा बम बिष्फोट भएको बौद्ध प्रहरीले जनाएको छ । विष्फोटका कारण कुनै मानवीय क्षति भने नभएको प्रहरीले जनाएको छ ।

मनोकामना स्कुलमा बिहान ३ः४५ बजे आसपास केही पड्किएको आवाज सुनेको स्थानीयवासीले बताएका छन् । बिष्फोट भएको स्थानमा अखिल नेपाल राष्ट्रिय स्वतन्त्र विद्यार्थी केन्द्र र योङ कम्युनिष्ट फोर्स नेपाल केन्द्रीय समिति नामको संयुक्त पर्चा भेटिएको प्रहरीले जनाएको छ ।

डल्लुस्थित कञ्चनजंघा स्कुल, बौद्धस्थित राई स्कुल र इस्टपोल स्कुलमा पनि एकाबिहानै शंकास्पद वस्तु भेटिएको प्रहरीले जानकारी दिएको छ । त्यस्तै ललितपुरको सानेपास्थित रेडियन्ट रिडर्स एकेडेमी स्कुलको गेटमा पनि प्रेसर कुकर बम भेटिएको प्रहरीले जनाएको छ ।

सेनाको बम डिस्पोजल टोलीले बम निष्क्रिय बनाएको बताईएको छ । स्कुलमा बम कसले राख्यो भन्नेबारे अनुसन्धान भइरहेको प्रहरीले जानकारी दिएको छ । शंकास्पद वस्तु भेटिएपछी उक्त स्थानमा सवारी आवागमन बन्द गरिएको थियो । फेला परको शंकास्पद वस्तु बम हो या होईन भन्नेबारे प्रहरीले परिक्षण गरिरहेको छ ।
बमसंगै भेटिएको पर्चा सुमन देवकोटा पार्टीको रहेको अनुमान गरिएको छ । काठमाडौं प्रहरीले योङ कम्युनिस्ट फोर्स नेपालका दुई जनालाई पक्राउ गरेको छ । काठमाण्डौ प्रहरीले पक्राउको पुष्टि गरे पनि नाम सार्वजनिक गर्न मानेको छैन ।