यती एयरमा ग्यालेक्सी नोट ७ प्रयोग गर्न प्रतिबन्ध

२०७३ असोज १२ गते बुधबार, प्रकाशित

यसअघि विदेशी एयरलाईन्सहरुले प्रतिवन्ध लगाएको ग्यालेक्सी नोट ७ नेपालको यती एयरलाइन्सले पनि प्रयोग गर्न प्रतिबन्ध लगाएको छ । यती एयरलाईन्सले सुचना जारी गर्दै आफ्नो विमानमा सामसुङ ग्यालेक्सी नोट ७ को प्रयोग गर्न निषेध गरेको छ ।

पछिल्लो समय बिभिन्न देशमा ग्यालेक्सी नोट ७ को ब्याट्री पड्किएपछी अन्र्तराष्ट्रिय विमान कम्पनीले प्रतिबन्ध लगाउँदै आएका छन् । सामसुङले पनि आफ्नो कमजोरी स्वीकार गर्दै बजारमा गइसकेको नोट ७ फिर्ता लिने घोषणा गरिसकेको छ ।

यती एयरलाइन्सले सूचना जारी गरी विमानमा यात्रा यर्दा सामसुङ ग्यालेक्सी नोट ७ प्रयोग गर्न पुर्ण प्रतिबन्ध गरेको छ । यदि कोही यात्रु नोट ७ का प्रयोगकर्ता भए फोनलाई स्वीच अफ गरी हाते झोलामा राख्नुपर्ने यती एयरले जानकारी गराएको छ । प्रयोगकर्ताले फ्लाइट मोडमा समेत राख्न पाइनेछैन ।