नागोयामा रामजी र कृष्णाको नयाँ बर्ष धमाका

२०७४ पुष १६ गते आइतबार, प्रकाशित

अंग्रेजी नयाँ बर्ष २०१८ को अवसर पारेर जापानको नागोयामा आयोजना भएको न्यु एयर सांगितीक साँझमा दोहोरी किङ्ग भन्दा फरक नपर्ने दोहोरी गायक रामजी खाँण र दोहोरी गायीका कृष्णा गुरुङ्गले धमाका मच्चाउने भएका छन ।

परदेशी क्रस कल्चर एशोसिएसनले जनवरी २ तारिख मंगलबारका दिन आयोजना गरेको सांगितीक साँझमा गायीकाद्वय खाँण र गुरुङ्गका साथै गण्डक क्षेत्रमा स्टेज दोहोरीका स्टारका रुपमा प्रख्यात जीवन दाहालको पनि दमदार प्रस्तुती रहनेछ ।

कार्यक्रममा नेपालबाट आएका चर्चित गायक गायीकाका साथै जापानमा रहेर गीत संगितमा आफ्नो पहिचान बनाईरहेका चर्चित गायकहरु श्याम सितल र मनोज केसीको पनि प्रस्तुति रहनेछ । त्यसैगरी डान्सर रेश्मी खाँण ठकुरीको प्रस्तुती पनि आकर्षणको केन्द्र रहने छ ।

लोकदोहोरी गायीका कृष्णा गुरुङ्ग र लोकदोहोरी गायक जिवन दाहाल ।

त्यतिमात्र होईन गायक तथा संगितकार चेतन सापकोटाको प्रस्तुती पनि सांगितिक साँझको अर्को आकर्षण रहेको छ । अन्य स्थानीय कलाकारहरुले पनि बिच बिचमा आफ्नो प्रस्तुति राख्नेछन । करिब आधा दर्जन चर्चित कलाकारको यो जमघटले सांगितीक साँझ धमाकेदार बन्ने देखिएको छ ।

क्रमश; लोकदोहोरी गायक श्याम शितल, डान्सर रेश्मी खाँण ठकुरी र लोकदोहोरी गायक मनोज केसी ।

सांगितिक साँझ कार्यक्रम नागोयाको निसिकीमा रहेको एपिए होटेलमा दिउँसो १ बजेबाट सुरु हुँदैछ । सांगितीक साँझ कार्यक्रमलाई आइचि ओकाजाकी सिटिमा रहेको भावना इन्टरनेसनलले मुख्य प्रायोजन गरेका छ ।

यो सांगितिक कार्यक्रमलाई डिलाराम खरेल, गोबिन्द श्रेष्ठ, गायकद्वय मनोज केसी र श्याम शितलको बिशेष सहयोग रहेको छ । आयोजक परदेशी क्रस कल्चर नागोयाका अध्यक्ष मनोजबम मल्लले मनोरञ्जनसँगै सामाजिक सेवाको कार्यमा सहयोग गर्न नागोयाबासी सबै नेपालीलाई आग्रह गरेका छन ।

यो सांगितिक साँझ काठमाण्डौमा रहेको धुम्बाराही बृद्धाश्रमको सहयोगार्थ आयोजना गरिएको शुभकामना नेपाल जापान फाउण्डेसनका गोविन्द श्रेष्ठले बताएका छन । परदेशी क्रस कल्चरले यसअघि पनि बिभिन्न सिर्जनात्मक र सामाजिक कामहरु गर्दै आईरहेको छ ।

न्यु एयर बिदामा मनोरञ्जन पनि होस र असहाय बृद्धबृद्धालाई सानोतिनो सहयोग पनि होस भन्ने उद्देष्यले यो सांगितिक साँझ कार्यक्रमको आयोजना गरिएको परदेशि क्रस कल्चरका संस्थापक सुरज मल्लले बताएका छन ।

दर्शन समाज जापानका संस्थापक समेत रहेका मल्ल जापानका बिभिन्न सामाजिक कार्यमा सहभागी हुँदै आएका छन । मल्लले नागोयाबासी सबै नेपालीलाई सांगितीक साँझमा सहभागी भई भरपुर मनोरञ्जन लिन र सामाजिक कार्यमा सहयोग गर्न अपिल गरेका छन ।