पक्राउ परे सर्लाही गोलीकाण्डका मतियार नेकपा कार्यकर्ता

२०७५ कार्तिक १८ गते आइतबार, प्रकाशित

सर्लाहीमा गोली लागेर नेपाली कांग्रेसका कार्यकर्ता मारिएको घटनामा संलग्न भएको आरोपमा प्रहरीले नेपाल कम्युनिस्ट पार्टीका एक कार्यकर्तालाई पक्राउ गरेको छ ।

नेकपाका कार्यकर्ता उपेन्द्र राय यादवलाई शुक्रबार राति नेपाल प्रहरीले भारतीय प्रहरीको सहयोगमा भारतीय सीमा क्षेत्रबाट पक्राउ गरेको हो । सर्लाहीको रामनगर–४ मा नेकपा र नेपाली कांग्रेसका कार्यकर्ताबीच भएको झडपका क्रममा गोली चल्दा स्थानीय ५० वर्षीय रामविलास महतोको मृत्यु भएको थियो ।

उक्त गोलीकाण्डमा नेकपाका १५ जना कार्यकर्ताविरुद्ध प्रहरीमा किटानी जाहेरी परेको छ । जसमध्ये गोली चलाउने भनी दुई जनाको नाममा किटानी जाहेरी परेको छ । उनीहरुको नाम भने खुलाइएको छैन । पक्राउ परेका उपेन्द्र राय यादवलाई भने घटनाको मतियार बनेको अभियोग छ ।