चार मोडलसँग नाचेको शंकर बिसीको भिडियो भाईरल

२०७५ कार्तिक ३० गते शुक्रबार, प्रकाशित

बहुसंख्यक नेपालीहरुको महान पर्व दशैं र तिहार विदा भईसकेको छ । चाडपर्वको समाप्ती भए पनि पर्वका सम्झनाहरु भने उतिबेला खिचिएका भिडियो र तस्विरले ताजै झैँ बनाईदिने गर्छ ।

यस्तै एउटा तिहारको सम्झना दिलाउने भिडियो अहिले सामाजिक सञ्जालमा भाईरल भएको छ । राष्ट्रिय लोकदोहोरी प्रतिष्ठानका कलाकारहरु अर्थात नेपाली लोकदोहोरी क्षेत्रका धुरन्धरहरुको देउसी भैलो डान्स यतिबेला निकै चर्चामा छ ।

लोकदोहोरी गायिका भुमिका गिरीको फेसबुक प्रोफाईलमा रहेको तिहारको देउसी भैलोका क्रममा गरिएको नृत्यको भिडियो भाईरल भएको हो । लोकदोहोरी नृत्यका वादशाह भन्दा फरक नपर्ने नृत्य निर्देशक शंकर विसी र उनैको हात समाएर नृत्यमा जमेका मोडलहरु रश्मि तामाङ, आयुषा राई, करिश्मा ढकाल र रिना थापा नाचेको यो भिडियो सामाजिक सञ्जाल फेसबुकमा खुबै रुचाईएको छ ।

‘चट्ट रुमाल क्या मालुम’ बोलको गितमा मजैसँग जमेर नाचेको यो भिडियो यो समाचार तयार पार्दासम्म गायिका भुमिका गिरीको प्रोफाईलमा करिव साढे ५ लाखले हेरिसकेका छन् । भुमिका गिरीको प्रोफाईलबाट तानेर हालिएको अन्य पेज र ग्रुपमा पनि यो भिडियो खुबै रुचाईएको छ ।

हेर्नुहोस् भुमिका गिरीको फेसबुक प्रोफाईलमा उक्त डान्स भिडियो