मेरो चरित्र हत्याको मुल्य धेरै महंगो हुनेछः सावित्री

२०७५ पुष ३० गते सोमबार, प्रकाशित

मानवअधिकारकर्मी सावित्री सुवेदीले सामाजिक सञ्जाल फेसबु्कमा नक्कली आईडी बनाएर आफ्नो चरित्रहत्या गर्न खोजिएको प्रति गम्भीर आपत्ती जनाएकी छन् । बलात्कार र महिला हिंसाका विरुद्ध पटकपटक आवाज बुलन्द गर्दै आएकी सावित्रीले केही बलात्कारी मानसिकता भएका मानिसहरुले आफूलाई झुठो र कपोलकल्पित आरोप लगाएको भन्दै फेसबुक स्टाटसमार्फत आक्रोश पोखेकी हुन् ।

“बच्चिहरुका जिवन चुसेका ब्वाँसाहरुले मेरो बिरुद्द यस्ता झुठा आरोप लगाएर मलाई झुठ बनाउन खोज्दैछन्, उनले फेसबुकमा लेखेकी छिन्, यो आरोप प्रमाणीत गरेर कारबाही गर्न म खुल्ला छु । अरु अपराधीलाई कारबाही गराउने मलाइ अपराध गर्न छुट छैन । तर यिनलाई एउटै अनुरोध, आरोप लगाउने मान्छे अघि ल्याउ, पैसा खाएको प्रमाणीत गर, मलाई जेल पठाउ । तर फेक कुरा तयार गर्न समय खर्चेर मेरो चरित्र हत्या नगर । यसको मुल्य धेरै महंगो हुनेछ ।”

मलाई जोडेर सामाजिक सञ्जालमा पैसाको बार्गेनिङ गरेको, अनेक मान्छेसंग फोटो जोडेर बाहिर आएको छ भनेर मेरा सुभचिन्तकहरुले मलाई के हो भनेर सोध्नु भएको छ । म यस्ता हुँदै नभएको कुराको बारेमा चासो नै नराखौँ भन्ने सोचमा थिएं । तर धेरैले केहो केहो भन्नु भएकोले केहि लेख्दैछु, भनेर फेसबुक स्टाटस लेखेकी छिन् ।