जापानमा सडक दुर्घटनामा माईकल गौचनको मृत्यु

२०७५ माघ २२ गते मंगलबार, प्रकाशित

सडक दुर्घटनामा परी जापानको साईतामा केनमा एक नेपाली युवाको मृत्यु भएको छ । सोमबार राति सडक पार गर्ने क्रममा माईकल गौचन नाम गरेका नेपाली युवाको मृत्यु भएको नेपाली दुतावासले पुष्टि गरेको हो ।

गौचनलाई सडक पार गर्ने क्रममा गाडीले ठक्कर दिँदा घटनास्थलमै निधन भएको थियो । बिद्यार्थी भिषामा जापान आएका गौचन योकोहामाको ग्रीन इन्टरनेशनल कजेलबाट भाषा विद्यालय (सेन्मोन गाक्को) सकेर साईतामाको एक जापानी कम्पनीमा काम गर्दै आएका थिए ।

मृतक गौचनले गत बर्ष मात्रै बिहे गरेर आएको जानकारी प्राप्त भएको छ । उनको श्रीमती र परिवार सबै सदस्य नेपालमै रहेको बताईएको छ । म्याग्दी घर भएका गौचनको परिवार काठमाडौंमा बसोवास गर्दै आएको छ ।

साईकलमा सवार गौचनको वाटो क्रस गर्ने क्रममा मृत्यु भएको नेपाली ब्यवसायी संघ जापानका अध्यक्ष विजय थकालीले जानकारी दिएका छन् । सडक पार गर्ने क्रममा गाडीले ठक्कर दिँदा गौचनको घटनास्थलमै मृत्यु भएको नेपाली दुतावास टोकियोले जानकारी दिएको छ ।