जापानको आओमोरी शहरमा २१ फिट बरफ जम्यो

२०७५ फागुन १५ गते बुधबार, प्रकाशित

जापानको आओमोरी शहर संसारको सबैभन्दा धेरै बरफ जम्ने स्थानमध्येको एक हो । अहिले यहाँ २१ फिट बरफ जमेको छ । यति बरफले दुई तल्ले भवन मज्जाले ढाक्न सक्छ ।

गत वर्ष बरफ हटाउनका लागि सरकारले ३५ मिलियन डलर अर्थात् लगभग चार अर्ब रुपैयाँ खर्च गर्नु परेको थियो । यो शहरमा ३० हजार बढी बासिन्दा छन् ।

हरेक वर्ष आओमोरीमा हिम आँधी आउँछ । नोभेम्बरदेखि शहरमा अत्यधिक चिसो साइबेरियाली हावा चल्न थाल्छ । यसलाई सामान्य भाषामा सी इफेक्ट स्नो भनिन्छ । नोभेम्बरमा नै शहरमा ८ फिटसम्म बरफ जम्ने गर्छ ।

सी इफेक्ट स्नोका कारण आओरी र त्यस वरिपरिका इलाकामा बरफको मोटो पत्र जम्ने गर्दछ । बरफको यो मोटो पत्र अप्रिलसम्म रहन्छ । घरको छत, सडक, शहरको तल्लो इलाकामा पनि बरफ मात्रै देखिन्छ ।

बरफकै कारण यहाँका हरेक व्यक्तिले दैनिक कडा संघर्ष गर्नुपर्छ । एक सी फूड विक्रेता योने नात्सुमेले आओरीमा माछा विशेषगरी कडफिश पाउने सबैभन्दा राम्रो मौसम जाडो मौसम नै भएको बताउँछिन् ।

उनका अनुसार मानिसहरु जाडो मौसममा घुम्नकै लागि भनेर आओमोरी आउने गर्छन् । अमेरिकाबाट आओमोरीमा घुम्न आएका टिम रोबर्टस् भन्छन्–‘यो स्थान संसारबाट निकै अलग छ किनभने यहाँ पहाडमा धेरै माड छैन ।’ टोकियोबाट उच्च गतीका रेलमा यहाँ तीन घण्टामा नै पुग्न सकिन्छ ।

एजेन्सीको सहयोगमा