जापानबाट राईमनको सम्झनामा नबिनको गित

२०७५ फागुन २१ गते मंगलबार, प्रकाशित

कामको सिलसिलामा हाल जापानमा रहेका सञ्चारकर्मी तथा सुमधुर स्वरका धनी गायक नविन दाहालले ‘उकालीको चौतारीमा’ बोलको नयाँ गित बजारमा ल्याएका छन् । पुर्वका चर्चित गायक तथा संगीतकार स्वर्गीय राईमन राईको अन्तीम शब्द र संगीत रहेको गीतलाई गायक दाहालले स्वरबद्ध गरेका हुन् ।

स्वर्गिय गायक राईले २ बर्ष अघि बनाएको ‘उकालीको चौतारीमा’ गितलाई गायक दाहालले जापानको टोक्योस्थित जिट्स् स्टुडियोमा रेकर्ड गराएका हुन् । चर्चित एरेन्जर महाराज थापाले गितको म्युजीक एरेन्ज गरेका छन् । गितलाई गायक सर्वज्ञमान शाक्यले रेकर्ड गरेका हुन् ।

लोक लयमा आधारीत गीतमा आधुनीक संगीत र स्वरको संयोजन रहेकाले गित राम्रो भएको गायक शाक्यले बताएका छन् । गीतका रचनाकार तथा संगीतकार राईमन राईको २ बर्ष अघी निधन भएको थियो । गायक दाहालले स्वर्गीय राईमन राईको सम्झनामा यो गीत निकालेको बताएका छन् ।