जापानमा ५०७९ औँ उभौली पर्व मनाउँदै किराँत राई
किराँत राई यायोख्खा कान्तो समिती जापानले येलेदोङ ५०७९ औँ उभौली पर्वको अवसरमा शुभकामना आदान–प्रदान कार्यक्रम भोली गर्दैछ । मे ४ तारिख शनीवारका दिन आयोजना गरिएको शुभकामना आदानप्रदान तथा बार्बीक्यु कार्यक्रममा किराँत राई यायोख्खा कान्तो समितिले कान्तो क्षेत्रका किराँत राई तथा सबै नेपालीलाई सहभागीताको लागी आमन्त्रण गरेको छ ।
यलेदोङ ५०७९ को उभौली साकेला शिली तथा शुभकामना आदान–प्रदान कार्यक्रमलाई मनोरञ्जनात्मक र रमाईलो बनाउन बार्बीक्यु कार्यक्रम पनि राखिएको कार्यक्रम संयोजक तथा किराँत राई तथा यायोख्खा कान्तो समितीका बरिष्ठ उपाध्यक्ष शिवराज राईले जानकारी दिएका छन् ।
शुभकामना तथा बार्बीक्यु कार्यक्रम गुन्माकेनको ओरागुन ओइजुमीमाचीस्थित शिरोनउची २–चोमे २४ मा हुने पनि कार्यक्रम संयोजक राईले जानकारी दिएका छन् । शुभकामना तथा बार्बीक्यु कार्यक्रम बिहान १२ बजेबाट सुरु हुने बताइएको छ ।
किराँत राई सभ्यताको ५०७९ औँ नयाँ बर्षका रुपमा बैशाख पुर्णिमाका दिन किराँत राई समुदायले उभौली पर्व धुमधामसँग मनाउँदैछन् । उभौली पर्वका अवसरमा नाचिने साकेला नृत्य किराँत राई समुदायमा लोकप्रिय मानिन्छ ।
फेसबुकबाट कमेन्ट गर्नुहोस्