एसईईमा ‘ए प्लस’ नआएपछी किशोरीद्धारा आत्महत्या

२०७६ असार १४ गते शनिबार, प्रकाशित

काठमाडौंको चन्द्रागिरी नगरपालिका वडा नं. १२ बलम्वु दूरसञ्चार नजिकै एसइई परीक्षाको नतिजाका कारण एक किशोरीले झुण्डिएर आत्महत्या गरेकी छिन् ।

अर्घाखाँची जिल्ला सन्धिखर्क नगरपालिका वडा नम्बर ७ घर भई चन्द्रागिरी १२ बलम्वु दूरसञ्चार श्री बलम्वु माविबाट यस वर्ष एसइई परीक्षा दिएकी सदिक्षा पौडेलले झुण्डिएर आत्महत्या गरेकी हुन् ।

परिवारलाई उद्धृत गर्दै महानगरीय प्रहरी प्रभाग बलम्वुका प्रमुख शंकर खड्काले एसइईमा ए प्लस नतिजा नआएपछि आत्महत्या गरेको हुन सक्ने बताएका छन् ।

प्रहरीका अनुसार उनको शवलाई शिक्षण अस्पताल महाराजगञ्जमा पोस्टमार्टम गर्न पठाइएको छ । बलम्वु माध्यमिक विद्यालयबाट पौडेलको एसइईमा जिपिए ३.६ आएको थियो ।