लोकतन्त्रका लागी पौडेलमाथी गो*ली चल्योः गृहमन्त्री

२०७६ असार २४ गते मंगलबार, प्रकाशित

गृहमन्त्री रामबहादुर थापा बादलले लोकतन्त्रको रक्षा गर्ने क्रममा सर्लाहीमा प्रहरीले फा*यरिङ गर्दा कुमार पौडेलको मृ*त्यु भएको स्पष्टिकरण दिएका छन् । सर्लाहीमा असार ५ गते भएको भनिएको भि*डन्तमा विप्लव समूहका सर्लाही इञ्चार्ज पौडेलको मृ*त्यु भएको थियो ।

पौडेललाई नियन्त्रणमा लिएर ह*त्या गरिएको दाबी गर्दै कांग्रेसले सरकारको जवाफ मागेको थियो । मंगलबारको प्रतिनिधिसभा बैठकमा पनि प्रमुख सचेतक पुष्पा भुसालले सर्लाही घटनाबारे छानविन गर्न माग गरेकी थिईन ।

लगत्तै गृहमन्त्री थापाले सदनलाई जवाफ दिएका थिए । राज्य व्यवस्था समितिको निर्देशनपछि बनेको छानविन समितिले समेत पौडेलको मृ*त्यु दोहोरो भि*डन्तमा भएको रिपोर्ट बुझाएको मन्त्री थापाले बताएका छन् ।

गस्तीमा रहेको प्रहरी टोली र विप्लव समूहका कार्यकर्ताको जम्काभेट भएको र त्यस क्रममा पौडेलसँगै रहेका सहकर्मीले फाइरिङ गर्दै भागेको छानविन समितिको रिपोर्टमा उल्लेख रहेको उनले बताएका छन् ।

पौडेलले पनि मिस फायरिङ गरेको र प्रहरीको जवाफी कारबाही गर्दा उनको मृ*त्यु भएको गृहमन्त्रीले बताएका छन् । तर, सांसदहरुले पौडेलको हात भाँच्चिएको भन्दै त्यस्तो हातले कसरी गो*ली चलायो भन्ने प्रश्न गरेका थिए ।

जवाफमा गृहमन्त्री थापाले त्यसबारे बोलेनन् । बरु शान्ति सुरक्षा कायम गर्ने र लोकतन्त्रको रक्षा गर्ने क्रममा सर्लाही घटना घटेको बताएका छन् । उनले भने, ‘यी घटनाहरु देशमा शान्ति सुव्यवस्था कायम गर्ने क्रममा घटेका हुन् । र, लोकतन्त्रको रक्षा गर्ने क्रममा घट्न गएका हुन् ।’

‘सरकार लोकतन्त्रको रक्षा गर्न प्रतिवद्ध छ । देशमा शान्ति सुव्यवस्था कायम गर्न प्रतिवद्ध छ । जनताको जनादेश पनि त्यही छ, मन्त्री थापाले भने, ‘यसै क्रममा यी घटना घटेका हुन् ।’

सर्लाहीमा विप्लव समूहले चन्दा आ*तंक मच्चाएको, जनप्रतिनिधिलाई ध*म्की दिएको र उनीहरुकै मागअनुसार शान्ति सुव्यवस्था, जनताको जिउधनको रक्षा गर्न सरकारले चदम चालेको बताए । उनले भने–‘यही क्रममा घटना हुन गएको हो ।’

यसैवीच, गृहमन्त्रीको अभिव्यक्तिप्रति प्रमुख विपक्षी कांग्रेसले आपत्ति जनाएको छ । कांग्रेसका प्रमुख सचेतक बालृकष्ण खाँडले लोकतन्त्रको रक्षाका लागि गो*ली चलाइयो भन्नु आपत्तिजनक भएको बताएका छन् ।