जापान आएका सन्दिप १ बर्षदेखी सम्पर्कबिहिन

डिसीनेपालबाट २०७६ कार्तिक २१ गते बिहीबार, प्रकाशित

अध्ययनका सिलसिलामा जापान आएका एक नेपाली युवा सम्पर्कविहीन भएका छन् । स्याङ्जाको चापाकोट नगरपालिका–१ खोलागाउँ घर भएका २२ वर्षीय सन्दीप कोइराला झण्डै एक वर्षदेखि परिवारसँग सम्पर्कविहीन भएका हुन् ।

गत २०७२ साल चैत्र २९ गते जापान गएका उनी सुरुमा कुरुमे किताक्युस्युमा रहेको ओहारा जिदोस्या कलेजमा अध्ययनरत थिए । सन्दीप ०७५ मंसिर १७ गतेदेखि परिवारको सम्पर्कमा नरहेको उनका पिता भूमिप्रसाद कोइरालाले जानकारी दिएका छन् ।

सम्पर्कविहीन रहेका छोरा सन्दीपलाई खोजी गरिदिन परिवारले एनआरएनए क्युसुका संयोजक देवराज उप्रेतीलाई आग्रह गरेको छ । सन्दीपलाई फेला पारेमा एनआरएनए क्युस्यु अथवा जापान प्रहरीमा जानकारी दिन संयोजक उप्रेतीले आग्रह गरेका छन् ।