तोचिगीमा फेब्रुअरी २२ मा शेर्पा ल्होसार मनाईँदै
शेर्पा तथा बौद्ध धर्मावलम्वीहरुको महान चाड तथा नयाँ बर्ष च्याक फो चिवा लो (मुसा बर्ष) ग्याल्पो ल्होसार २१४७ शेर्पा परिवार तोचिगीले धुमधामसँग मनाउने भएको छ । जापानको तोचिगीकेन आसपास बस्दै आएका शेर्पा समुदायले यस बर्षको ग्याल्पो ल्होसार बिभिन्न कार्यक्रम गरी मनाउन लागेका हुन् ।
शेर्पा समुदायको महान चाड ग्याल्पो ल्होसारको अवसरमा यही फेब्रुअरी २२ तारिख शनिबारका दिन शुभकामना आदानप्रदान तथा सांस्कृतिक कार्यक्रमको आयोजना गरी ल्होसार मनाउने तयारी गरिएको संयोजक डेनी शेर्पाले बताएका छन् । संयोजक डेनी शेर्पाका अनुसार ल्होसार बिशेष शुभकामना आदानप्रदान कार्यक्रम तोचिगीसीस्थित लाफा स्पोर्टस बार एण्ड ग्रिलमा हुँदैछ ।
शुभकामना आदानप्रदान तथा सांगितिक कार्यक्रम साँझ ५ बजेबाट सुरु हुने कार्यक्रम संयोजक डेनी शेर्पाले बताएका छन् । संयोजक शेर्पाले ल्होसार बिशेष शुभकामना आदानप्रदान तथा सांस्कृतिक कार्यक्रममा तोचिगीबासी सबै नेपाली दाजुभाई तथा दिदिबहिनिलाई सहभागी भईदिन आग्रह गरेका छन ।
कार्यक्रममा जापानमा रहेका स्थानीय नेपाली कलाकारहरुले बिभिन्न नेपाली गित संगित र नृत्य प्रस्तुत गर्नेछन । कार्यक्रममा शेर्पा संस्कृति झल्कने नृत्य गर्नुका साथै शेर्पा परिकारको पनि ब्यवस्था गरिएको संयोजक शेर्पाले जनाएका छन ।
फेसबुकबाट कमेन्ट गर्नुहोस्