आरआर क्याम्पसमा नेविसंघ र अनेरास्ववियुबिच झडप
काठमाडौँको भृकुटीमण्डपस्थित रत्नराज्य लक्ष्मी (आरआर) क्याम्पसमा अनेरास्ववियू र नेपाल विद्यार्थी संघबीच झडप भएको छ । नेविसंघका महामन्त्री दीपक भट्टराईका अनुसार आज विहान भएको झडपमा अनेरास्ववियू नेताहरुको आक्रमणबाट नेविसंघका नेताहरु आविष्कार पौडेल, कुशल बस्नेत, सुमन खड्का घाइते भएका छन् ।
साथै अनेरास्ववियूका नेताहरु सङ्गम देवकोटा, मुकेश कुँवर, धर्म न्यौपाने पनि घाइते भएका छन् । उनीहरुलाई प्रहरीले पक्राउ गरेका छ । यता नेविसंघबाट पक्राउ पर्नेमा पुष्कर बास्तोला, सञ्जिव ढकाल, सुनिल शर्मा, रामजी बस्नेत, उमेश गुरुङ, विपु खड्का रहेका छन् ।
महामन्त्री भट्टराइले भने, ‘सत्ताको आडमा अनेरास्ववियूसम्बद्ध विद्यार्थीहरुले नेविसंघका नेताहरुमाथि आक्रमण गरे । उनीहरुलाई सघाउँदै प्रहरी प्रशासनले पनि नेविसंघका साथीहरुलाई पक्राउ गरेको छ ।’
उनले यथाशिघ्र नेविसंघका नेताहरु रिहा नगरे देशभर नेविसंघ आन्दोलित हुने बताएका छन् । सत्ताको अडामा गरिने अनेरास्ववियूको गुण्डागर्दी विरुद्ध नेविसंघ प्रतिवादमा उत्रिने महामन्त्री भट्टराईले बताएका छन् ।
फेसबुकबाट कमेन्ट गर्नुहोस्