मलेशियामा दुई महिनापछी नेपालीको शव भेटियो

२०७३ माघ ९ गते आइतबार, प्रकाशित

मलेसियामा एक नेपालीको शव मृत्यु भएको झण्डै दुई महिनापछि भेटिएको छ । डम्बरबहादुर थापा नाम गरेका उनको शव पेटालिङ जया शहरको कोटा दमनसालास्थित एक सुपरमार्केटको अण्डरग्राउण्डमा झुण्डिरहेको अवस्थामा भेटिएको हो ।

स्थानीय प्रहरीका अनुसार थापाको मृत्यु झण्डै दुई महिना अघि नै भएको थिया तर, कसैलाई थाहा भएन । शनिबार दिउँसो सफाइका क्रममा एक व्यक्तिले लुगा लगाएको कंकाल भेटिएको भन्दै प्रहरीलाई खबर गरेका थिए ।

प्रहरीको अनुसन्धानले उक्त कंकाल थापाको रहेको पत्ता लगेको छ । उनको भिसा सन् २०१५ डिसेम्बरमा नै सकिएको थियो । उनी त्यही सुपरमार्केटमा क्लिनर थिए । उनको विस्तृत विवरण खुलेको छैन ।