फिलिपिन्समा दुई जापानिजको गोली हानि हत्या
दुई जापानी नागरिकलाई फिलिपिन्सको मनीलामा शुक्रबार गोली हानी हत्या गरिएको छ र तिनीहरूको सामान लुटिएको जापानी दूतावासले आइतवार जनाएको छ। दूतावासले हालै मनीलामा भइरहेका सडक डकैतीका घटनाहरूपछि आफ्ना नागरिकहरूलाई सतर्क रहन आग्रह गर्दै आएको छ।
दूतावासका अनुसार, ती दुईजना शुक्रबार राति होटल नजिकै ट्याक्सीबाट ओर्लिएपछि एक व्यक्तिले नजिकै आएर गोली हानेका थिए। हमलापछि ती व्यक्ति मोटरसाइकलमा भागेका थिए।
पीडितहरू ४१ वर्षीय शिजुओका प्रान्तका बासिन्दा र ५३ वर्षीय फुकुओका प्रान्तका बासिन्दा थिए। दुवैजना शुक्रबार दिउँसो करिब ३:३० बजे होटलमा चेकइन गरेका थिए।
दुवैजना क्यासिनोबाट फर्किएर होटल क्षेत्रतर्फ आइरहेका बेला गोली प्रहार भएको बताइएको छ। गोली हानेपछि हमलाकारीले तिनीहरूको सामान लुटेर मोटरसाइकलमा फरार भएका थिए।
साक्षीहरूले बताएका छन् कि आक्रमणकारीहरूमध्ये एक जनाले पीडितमध्ये एक जनाको झोला खोसेर आद्रियाटिको सडकतर्फ मोटरसाइकलमा तीव्र गतिमा भागेका थिए।
सञ्चारमाध्यमलाई दिएको वक्तव्यमा Manila Police District (MPD) का प्रवक्ता मेजर फिलिप इनेस ले अनुसन्धानकर्ताहरूले आक्रमणकारीको पहिचान खुलाउने र आक्रमणको पूरा उद्देश्य पत्ता लगाउने प्रयासस्वरूप पछिल्लो अपरेशन जारी रहेको पुष्टि गरेका छन्।
प्रहरीले हालसम्म पीडितहरूको नाम सार्वजनिक गरेका छैनन्, परिवारलाई जानकारी नदिइन्जेल नाम गोप्य राखिएको बताइएको छ।
प्रहरीले घटनास्थल आसपासको CCTV फुटेज अध्ययन गरिरहेको र साक्षीहरूसँग सोधपुछ गरिरहेको जानकारी दिएको छ, जसले अनुसन्धानमा सहयोग पुर्याउने विश्वास गरिएको छ।
दूतावासले स्थानीय प्रहरीसँग सम्पर्कमा रही घटनाबारे स्पष्ट जानकारी लिइरहेको जनाएको छ।
गत अक्टोबरदेखि मनीलाको सडकमा जापानी नागरिकहरू डकैतीको सिकार भइरहेका छन्, जसमा केही घाइते भएका छन्। गत मे महिनामा दुई व्यक्तिले जापानी शैलीको रेस्टुरेन्टमा पसेर नगद लुटेका थिए।
स्रोतः Manila Bulletin, Kyodo, Japantoday
फेसबुकबाट कमेन्ट गर्नुहोस्