जापानमा विजनेस भिषाका मापदण्डमा कडाई
जापानले विदेशी उद्यमीहरूका लागि भिसा प्राप्त गर्न आवश्यक शर्तहरू कडा बनाउने योजना बनाएको छ । जापानको नयाँ योजना अनुसार न्यूनतम पूँजी ६ गुणाले बढाएर ३० मिलियन येन पु¥याइनेछ र जापानमै कम्तीमा एक जना पूर्णकालीन कर्मचारी राख्नुपर्ने हुनेछ, मंगलबार एक मन्त्रीस्तरीय दस्तावेजबाट यसको खुलासा भएको हो ।
कडाइ गरिएको यो नियमावली जुलाई महिनाको माथिल्लो सदनको निर्वाचनपछि आएको हो, जहाँ एक विपक्षी आप्रवासी विरोधी पार्टीले जनसमर्थन पाएको थियो, जसले सत्तारुढ गठबन्धनको बहुमत गुमाउनमा योगदान दिएको थियो ।
न्याय मन्त्रालयको प्रारम्भिक मस्यौदामा भनिएको छ कि यो परिवर्तन अपनाउनु अघि सेप्टेम्बर २४ सम्म जनमत संकलन गरिनेछ र अक्टोबरदेखि लागू गरिनेछ ।
“बिजनेस एन्ड म्यानेजमेन्ट भिसा“ भनेर चिनिने यो भिसाले विदेशी नागरिकहरूलाई जापानमा व्यवसाय सुरु गर्न र व्यवस्थापन गर्न अनुमति दिन्छ, जसले पाँच वर्षसम्म दीर्घकालीन बसोबासको सुविधा दिन्छ, नवीकरण गर्न सकिने विकल्पसहित, र परिवारलाई पनि साथ ल्याउन अनुमति दिन्छ ।
यसअघि, यस भिसाका लागि या त ५ मिलियन येनको पूँजी लगानी वा दुई जना पूर्णकालीन कर्मचारी राख्नुपर्ने शर्त थियो, सुनिस्चित (टिकाउ) व्यवसाय योजना सहित ।
विदेशी उद्यमीहरूलाई आकर्षित गर्ने र जापानको अन्तर्राष्ट्रिय प्रतिस्पर्धात्मकता बढाउने उद्देश्यले सुरु गरिएको यो भिसाले धारकहरूलाई १० वर्षपछि स्थायी बसोबासको लागि आवेदन दिन अनुमति दिन्थ्यो, जसमा कम्तीमा पाँच वर्षसम्म कार्य–योग्य भिसा स्थिति आवश्यक थियो ।
२०२४ को अन्त्यसम्म करिब ४१,६०० जनाले यस्तो भिसा लिएका थिए, जुन अघिल्लो वर्षको तुलनामा ११% ले वृद्धि भएको हो, जसमा चिनियाँ नागरिकहरू आधाभन्दा बढी रहेको आप्रवासन तथ्याङ्कले देखाएको छ ।
जापानमा चिनियाँहरुको लगानी अस्वभाविक रुपमा बढेको र यसले भविष्यमा जापानको अर्थव्यवस्था र सार्वभौमिकतामा प्रत्यक्ष असर गर्न सक्ने भन्दै सर्वसाधारणले समेत चिन्ता र चासो व्यक्त गर्न थालेपछी सरकारले नयाँ मापदण्ड लागु गर्न खोजेको हो ।
नयाँ नियम लागु भएपछी व्यवसायीक लगानी र दिगोपनको सुनिस्चितता भई जापानको अर्थ व्यवस्थामा सहयोग पुग्ने विश्वास गरिएको छ । जापान सरकारले लागु गर्न लागेको विजनेस भिसा सम्बन्धी यो नयाँ व्यवस्थाको प्रभावकारिता कस्तो हुनेछ भन्ने कुरा भने कार्यान्वयनपछी मात्रै थाहा हुनेछ ।
जापान सरकारले अब ल्याउन लागेको नयाँ नियमले साना व्यवसाय गर्न चाहाने उद्यमीहरुलाई प्रत्यक्ष असर पुर्याउने छ । यसअघि ५ सय मान जापानी येन पुँजी लगानीको सुनिस्चितता भए हुनेमा अब सो मापदण्ड बढाएर ३ हजार मान पुर्याउने तयारी गरिएको छ ।
फेसबुकबाट कमेन्ट गर्नुहोस्