यस्तो हुँदैछ शेर्पा संघ जापानको ल्होसार धमाका
जापानकै जेठो नेपाली संस्था शेर्पा संघ, जापानले यस बर्षको ग्याल्बो ल्होसार भव्यताका साथ मनाउने भएको छ । बिगतका बर्षहरुमा झैँ यस बर्ष पनि शेर्पा संघले बौद्ध धर्मावलम्वीहरुको मुख्य चाड ल्होसारलाई भब्य बनाउने तयारी गरेको हो ।
बौद्ध धर्मावलम्बीको नयाँ बर्ष २१४४ औँ मे मो च्या लो (चरा बर्ष) ग्याल्बो ल्होसारलाई अविश्मरणीय र मनोरञ्जनपुर्ण बनाउन शेर्पा संघ तिब्र तयारीमा जुटेको छ । मार्च पाँच तारिखका दिन तय गरिएको ल्होसार बिशेष कार्यक्रमको तयारी लगभग पुरा भएको छ ।
कार्यक्रममा जापानमा रहेका नेपाली कलाकारहरुले बिभिन्न नेपाली संस्कृति झल्कने नृत्य तथा गित संगीतहरु प्रस्तुत गर्नेछन भने शेर्पा संस्कृति झल्काउने प्रस्तुतिहरु पनि रहनेछन । डिजे लाक्पा शेर्पाले कार्यक्रमलाई थप सांगीतिक माहौल प्रदान गर्नेछन ।
कार्यक्रम टोकियोस्थित हामामाचु स्टेशन नजिकै रहेको मन्दिर रेष्टुरेष्टमा हुनेछ । बिहान ११ बजे देखि साँझ ५ बजेसम्म हुने कार्यक्रममा शेर्पा समुदायको पोषाक पनि प्रदर्शन गरिने शेर्पा संघले जनाएको छ ।
कार्यक्रममा जापानस्थित नेपाली दूताबास, एनआरएन, बिभिन्न नेपाली संघ संस्थाका पदाधीकारी, शेर्पा तथा गैरशेर्पा सबै नेपालीलाई आमन्त्रण गरिएको छ ।
संघका अध्यक्ष लाक्पा गेलु शेर्पाले जापानबासी सम्पुर्ण नेपालीहरूलाई ल्होसार कार्यक्रममा सहभागि भइदिन आग्रह गरेका छन । एभरेष्टवाल डट कम र डिसिनेपाल अनलाईन कार्यक्रमको मिडिया पार्टनर छन भने भिडियो वाल युट्युव पार्टनर छ ।
शेर्पा संघ जापान, जापानको कानुन अनुसार दर्ता भएको पहिलो नेपाली संस्था हो । शेर्पा संघले जापानबासी शेर्पा र गैरशेर्पा नेपाली समुदायलाई आपतविपदमा बिभिन्न सहयोग गर्दै आएको छ ।
फेसबुकबाट कमेन्ट गर्नुहोस्