दलाई लामाका कारण चीन–भारत सम्बन्धमा चिसो
तिब्बती बौद्ध धर्मगुरू दलाइ लामालाई अन्र्तराष्ट्रिय बौद्धिष्ट सेमिनारमा बोलाएपछि चीन र भारतको सम्बन्धमा चिसोपना आएको छ । भारतीय समाचार एजेन्सी प्रेस ट्रष्ट अफ इन्डियाका अनुसार दलाइ लामालाई बिहारको एक बौद्धिष्ट सेमिनार उद्घाटन गर्न बोलाएकोमा चिनले आपत्ति जनाएको हो ।
पीटीआइले चाइना टुडेको हवाला दिँदै चिनियाँ विदेश मन्त्रालयका प्रवक्ता हुवा चुङछिङले संवाददाता सँग भनेकी छिन–‘चीनको विरुद्धमा उभिने दलाइ लामालाई भारतले बौद्धिष्ट सेमिनारमा बोलाएर सम्मान दिएको छ । यसमा चीन विरोध र तीव्र असन्तुष्ट व्यक्त गर्दछ ।’
उनले भनेकी छिन–‘तिब्बत र यससँग सम्बन्धित प्रश्नप्रति प्रतिवद्धता जनाउँदै भारतमा चीन विरोधी गतिविधिलाई रोक्न आग्रह गर्दछु । भारत र चीनको सम्बन्धलाई थप कमजोर नबनाउन आग्रह गर्दछु ।’
धर्मगुरु लामाले बिहारको नालन्दा जिल्लाको राजगीरमा १७ मार्चमा एउटा अन्र्तराष्ट्रिय बौद्ध गोष्ठीको उद्घाटन गरेका थिए । राजधानी पटनादेखि करीब सय किलोमिटरको दूरीमा रहेको छ ।
विभिन्न देशका बौद्ध भिक्षु तथा विद्वानले ‘२१ औ शताब्दीमा बौद्ध धर्म’ नामक सेमिनारमा छलफल गरेका थिए । यही महिनाको सुरुमा चीनले भारतको अरुणांचल प्रदेशमा आउन दलाइ लामालाई अनुमति दिने बारेमा विरोध गरेको थियो ।
फेसबुकबाट कमेन्ट गर्नुहोस्