ईपिएसमार्फत कोरीया गएका युवाको अचानक मृत्यु

२०७३ चैत २८ गते सोमबार, प्रकाशित

दक्षिण कोरियामा इपिएसमार्फत काम गर्न गएका एक नेपाली कामदारको सुतेकै अवस्थामा सोमबार विहान अचानक मृत्यु भएको नेपाली राजदूताबासले जनाएको छ । झल्ला नाम्दो ह्वासुनस्थित एक फलाम सम्बन्धी कम्पनीमा काम गर्दै आएका सुनसरीका चुडाराज आलेको निधन भएको श्रम सहचारी देवराज ढकालले जानकारी दिएका छन ।

सन् २०१५ मा कोरिया गएका २४ बर्षीय आले विहान ढिलासम्म नउठेपछि कम्पनीका मानिस बोलाउन जाँदा मृत भेटिएका थिए । हाल उनको शब कोरियन प्रहरीले अस्पतालमा पुर्याएको छ । सो कम्पनीमा काम गर्ने २ जना नेपाली मध्ये एक जना नेपाल गएकाले मृतक आले एक्लै रहेका थिए ।

दुई साता अघि मात्रै एक नेपाली युवा कामदारको सुतेकै आवस्थामा मृत्यु भएको थियो । यो फेरी त्यस्तै घटना दोहोरिएको छ । गत वर्ष पनि यही मौसममा २ जना कामदारको सुतेकै अवस्थामा मृत्यु भएको स्मरण गर्दै विशेषज्ञको टोली बनाइ यस्तो घट्नाको कारण पत्ता लगाउन आवश्यक रहेको श्रम सहचारी ढकालले बताएका छन ।