एसएलसीको नतीजा आज आउँदै
यस बर्षको प्रवेशिका परीक्षा (एसएलसी)को नतिजा आज सार्वजनिक हुँदै छ । परीक्षाफल प्रकाशनका लागी आवश्यक सबै तयारी पुरा भएको परीक्षा नियन्त्रण कार्यालय सानोठिमी भक्तपुरले जनाएको छ ।
परीक्षाफल आज दिउँसो २ बजेसम्म सार्वजनिक गर्ने तयारी गरेको परीक्षा नियन्त्रक कृष्णप्रसाद काप्रीले बताउनु भएको छ । परीक्षा नियन्त्रण कार्यालयले यसबर्ष देखी एसएलसीको नतिजा समुहका आधारमा प्रकासीत गदैछ । विगत जस्तो फेल, पास र श्रेणी छुट्याएर नतीजा आउने छैन ।
परीक्षा नियन्त्रक काप्रीका अनुसार यसबर्ष देखी विद्यार्थीको सिकाई कुन समूहमा छ भनेर बर्गिकरण गरिएको छ । परीक्षा नियन्त्रण कार्यालयले ए प्लस, ए, बी प्लस, बी, सी प्लस, सी, डी प्लस, डी र ई समूहमा छुट्याएर नतिजा सार्वजनिक गर्दैछ ।
२०७२ चैत १८ गतेदेखि २९ गतेसम्म एसएलसी परीक्षा सञ्चालन भएको थियो । देशभर १ हजार ४ सय ४३ परीक्षा केन्द्रबाट जम्मा ६ लाख १५ हजार ५ सय ५३ विद्यार्थीले एसएलसीमा सहभागीता जनाएका थिए ।
फेसबुकबाट कमेन्ट गर्नुहोस्