अधिवेशनको अन्तिम तयारीमा चितवन समाज जापान

२०७४ साउन २६ गते बिहीबार, प्रकाशित

चितवन समाज जापानको केन्द्रीय अधिवेशनको तयारी अन्तिम चरणमा पुगेको छ । समाजको केन्द्रीय अधिवेशन यही अगष्ट १२ तारीख शनिवारका दिन हुने भएको छ । अधिवेशन दिउँसो ठीक १२ बजे सुरु हुने आयोजकले बताएको छ ।

अधिवेशन संयोजक अर्जुन अधिकारीका अनुसार अधिवेशन टोक्योको सिनोकुबोमा रहेको नमस्ते गीत गजलको सभाहलमा आयोजना गरिएको छ । अधिवेशनमा जापानमा रहेका चितवनवासीहरूको उल्लेख्य उपस्थिति रहने आयोजकको अपेक्षा रहेको छ ।

अधिवेशनले चितवन समाज जापानको २ वर्षको लागी नयाँ केन्द्रीय कार्यसमिति चयन गर्नेछ । साथै वर्तमान कार्यसमितिले २ वर्षको अवधिमा गरेका कार्य प्रगति पनि सार्वजनिक गरिने केन्द्रीय अध्यक्ष सरोज कंडेलले बताएका छन ।

सन्तोष चोखाल
टोक्यो, जापान