बहुप्रतिक्षित आईफोन–एट सेप्टेम्बर १२ मा लञ्च
लामो पर्खाइ तथा अनेकन अड्कलबाजीपछि आखिर बहुप्रतीक्षित आइफोन–एट सार्वजनिक हुने मिति तय भएको छ । एप्पलको यो अत्याधुनिक आइफोन आगामी सेप्टेम्बर १२ का दिन लञ्च हुने पक्का भएको छ ।
यसअघि पाटपुर्जा उत्पादनमा ढिलाई भएका कारण आइफोन–एट सेप्टेम्बरमा आउन नसक्ने र वर्षको अन्त्यसम्म धकेलिन सक्ने खबरहरु सार्वजनिक भएका थिए ।
तर अन्ततः एप्पलले सेप्टेम्बरमै आइफोन एट सार्वजनिक गर्ने भएको हो । आइफोन–एट लञ्चिङ समारोहका लागि एप्पलले प्रेस निम्तो पठाउन सुरु गरिसकेको छ ।
एप्पलले आइफोन–एट लञ्चका लागि क्यालिफोर्निया स्थित स्टिभ जब्स अडिटोरियममा एक भव्य समारोहको योजना बनाएको छ । अमेरिकी समय अनुसार सेप्टेम्बर १२ दिउँसो १२ बजे देखि आइफोन–एटको लञ्च कार्यक्रम सुरु हुनेछ ।
उक्त दिन आइफोन एटसँगै एप्पलका फोर के टिभी र नयाँ एप्पल वाच सहित अन्य केही डिभाइसहरु पनि सार्वजनिक हुने बताइएको छ । वालस्ट्रिट जर्नलले सुत्रहरुलाई उधृत गर्दै एप्पलले उक्त दिन ३ वटा फरक फरक आइफोन सार्वजनिक गर्ने बताएको छ । अन्य सबैभन्दा आइफोन(एट विशेष हुनेछ ।
आइफोन–एटमा एज टू एज डिस्प्ले, अनुहार पहिचान गर्नसक्ने प्रविधि हुनेछ । आइफोन एटको मूल्य १ हजार डलरको आसपास हुने बताइएको छ । बढी मेमोरीवाला आइफोनको मूल्य चाहीँ १४ सय डलरसम्म हुनेछ ।
एजेन्सी
फेसबुकबाट कमेन्ट गर्नुहोस्