हुम्लाको सिमकोटमा तारा एयरको बिमान दुर्घटना

२०७४ मंसिर १२ गते मंगलबार, प्रकाशित

हुम्लाबाट सुर्खेत उड्न लागेको तारा एयरको ९एन–एबीएम कलसाइन भएको ट्वीनअटर विमान दुर्घटना हुँदा चालक दलका सदस्य सहित १६ जना घाइते भएका छन् ।

हुम्ला विमानस्थलबाट सुर्खेत उड्नको लागि रनवेमा कुदिरहेको जहाजको पाङ्ग्रा पञ्चर भएर रनवेको दक्षिणी भेगमा पुगेको थियो । जहाजको नोज कुच्चिएको छ ।

प्रदेश नं. ६ का प्रहरी प्रमुख एआईजी रणबहादुर चन्दका अनुसार हुम्ला विमानस्थलबाट उडान भर्नका लागि रनवेमा दौडिएर टेकअप लिन खोज्दा टेकअप लिन नसकेपछि विमान् दुर्घटनामा परेको हो ।

एआईजी चन्दका अनुसार विमानमा सवार दुई प्रहरीसहित क्याप्टेन बसन्त लामा घाइते छन् । उनीहरुको टाउकोमा चोट लागेको छ । अन्य १३ यात्री भने सामान्य घाइते छन् । उनीहरुको हुम्लाको सिमकोट अस्पतालमा उपचार भइरहेको छ ।

घाइतेको उद्धारका लागि हेलिकप्टर पठाइएको छ । जहाजमा चुनावमा सुरक्षाका लागी गएका १३ जना जनपद प्रहरी सवार थिए । उनीहरु चुनाव सकिएपछि सुर्खेत ओर्लँदै थिए ।