मलेसियामा चौधरीको निर्ममतापुर्वक हत्या

२०७३ साउन २२ गते शनिबार, प्रकाशित

हतियारधारी दुई जनाले मलेसियामा एक नेपालीको हत्या गरेका छन । स्थानिय समय अुनसार शुक्रबार दिउँसो करीब १२ बजे इटहरीका ३२ वर्षीय नगेन्द्र चौधरीको हत्या भएको हो ।

मृतक चौधरी होस्टेलमा सुतिरहेको बेला हतियार सहित आएको दुईजनाले तीन तला माथिबाट फालिदिएको प्रत्यक्षदर्शि नेपालीहरुले बताएका छन् । हतियारधारी दुई जना कारमा आएको प्रत्यक्षदर्शि नेपालीले बताएका छन् । कारको नम्बर भने टिप्न नसकेको उनिहरुले बताएका छन् ।

चौधरी जोहोरवारुको पासिरगुडाङआयरविरुमा भन्ने ठाउँमा रहेको तेल उत्पादन गर्ने कम्पनीमा कार्यरत थिए । चौधरीको घटनास्थलमै मृत्यु भएको कम्पनीमा कार्यरत नेपालीले जानकारी दिएका छन् । घटनाको कारण भने थाहा हुन सकेको छैन ।

चौधरीको हत्यापछि कम्पनीमा कार्यरत सबै नेपालीहरु शोकाकुल भएका छन् । मृतक चौधरी कार्यरत रहेको कम्पनीमा ८० जना नेपालीहरु कार्यरत छन् । घटनास्थलबाट प्रहरीले शवलाई लिएर गएको छ । घटनाको सम्वन्धमा नेपाली दूतावासलाई जानकारी गराईएको छ ।