श्रीमतिद्धारा सुतिरहेका श्रीमानको हत्या

२०७३ साउन ३० गते आइतबार, प्रकाशित

कपिलवस्तुको बैरियामा गएराति एक महीलाले सुतिरहेका श्रीमानको धारीलो हतियार प्रहार गरी हत्या गरेकी छन् । बाणगंगा नगरपालिका–१, बैरियाकी दुर्गा न्यौपानेले आफ्नै श्रीमान २९ बर्षीय शंकर न्यौपानेको हत्या गरेको प्रहरीले जनाएको छ ।

दुर्गाले घरमा सुतीरहेका आफ्ना श्रीमानलाई धारिलो हतियार र ढुंगा प्रहार गरी हत्या गरेको प्रहरीले जनाएको छ । अर्घाखाँची सिमलपानी गाबिस ५ बौैरी स्थायी घर भएका उनीहरु बैरियामा डेरा गरी बस्दै आएका थिए ।

न्यौपाने दम्पत्तीबीच पहीले देखी नै राम्रो सम्बन्ध नभएको र पटक–पटक विवाद र झैझगडा हुने गरेको छिमेकीले बताएको प्रहरीले जनाएको छ । श्रीमानको हत्यारा दुर्गालाई प्रहरीले नियन्त्रणमा लिएको छ भने शवलाई पोष्टमार्टमको लागि जिल्ला अस्पताल तौलिहवा पठाइएको छ ।