रेशम चौधरीलाई रिहाई गर्न सरकारलाई राजपाको दबाव

२०७५ जेठ २३ गते बुधबार, प्रकाशित

राष्ट्रिय जनता पार्टी, नेपालले टिकापुर हत्याकाण्डमा जेल सजाय काटिरहेका पार्टीका सांसद रेशमलाल चौंधरीलाई तत्काल रिहाइ गर्न सरकारलाई दबाव दिएको छ ।

पार्टीको बुधबार बसेको अध्यक्ष मण्डलको बैठकले टीकापुर घटनामा संलग्न भएको अभियोगमा जेल चलान भएका कैलाली क्षेत्र नम्बर १ बाट प्रत्यक्ष निर्वाचित सांसद चौधरीलाई रिहा गर्न माग गरेको हो ।

चौधरीलाई रिहा गरी सपथको व्यवस्था गर्नु पर्ने अध्यक्ष मण्डलका सदस्य राजकिशोर यादवले जानकारी दिएका छन । साथै टीकापुर घटनाको आरोपमा आफ्ना कार्यकर्तामाथि लगाइएको मुद्दा तत्काल फिर्ता गर्न पनि सरकारको गम्भिर ध्यानाकर्षण गराएको छ ।

बैठकमा संविधान संशोधन कहिले गर्ने भनि सरकारको आधिकारिक धारणा माग गर्ने विषयमा पनि छलफल भएको नेता यादवले बताएका छन । राजपाको बैठकमा पार्टी संसदीय दल विधान निर्माणबारे पनि छलफल भएको छ ।