आमासँगको विवादमा आफै आगो लगाई आत्मदाह
आमासँग विवाद भएपछी आफ्नै ज्यानमा मट्टितेल खन्याएर आगो लगाएकी सप्तरीको कञ्चनरूप नगरपालिका–४ स्थित जगतपुरकी एक किशोरीको आज उपचारका क्रममा मृत्यु भएको छ ।
आत्मदाहका कारण मृत्यु हुनेमा स्थानीयवासी महेश चौधरीकी १३ वर्षीया छोरी अञ्जनी चौधरी रहेको इलाका प्रहरी कार्यालय कञ्चनपुरका प्रहरी निरीक्षक प्रतीक बिष्टले बताएका छन् ।
आफ्नै आमासँग विवाद हुँदा बुधबार साँझ अञ्जनीले शरीरमा मट्टितेल छर्किएर आगो लगाई आत्महत्याको प्रयास गरेकी थिइन् । कञ्चनरुपस्थित इन्टरनेसनल लक्की इंलिस स्कुलमा कक्षा पाँचमा अध्ययनरत अञ्लीलाई उनकी आमाले स्कुल किन नगएको भनेर बुधबार गाली गरेपछि घटना भएको मृतककी दिदी सविना चौधरीले बताएकी छिन् ।
आगोबाट शरीर जलेर गम्भिर घाइते भएकी अञ्जनीको विराटनगरस्थित म्याक्स अस्पतालमा उपचारका क्रममा आज मृत्यु भएको प्रहरीले जनाएको छ । घटनाबारे अनुसन्धान भइरहेको प्रहरी निरीक्षक बिष्टले जानकारी दिए ।
फेसबुकबाट कमेन्ट गर्नुहोस्