तीन दल चैतभित्र स्थानीय चुनाव गर्न सहमत

२०७३ भदौ २३ गते बिहीबार, प्रकाशित

प्रमुख तीन दल आगामी फागुन–चैतभित्र स्थानीय तहको निर्वाचन गर्न सहमत भएका छन् । प्रधानमन्त्री निवास बालुवाटारमा बुधबार भएको छलफलमा कांग्रेस, एमाले र माओवादी केन्द्र चैतभित्र निर्वाचन गर्न सहमत भएका हुन ।

तीन दलले स्थानीय तह पुर्नसंरचना आयोगमा तीन दिनभित्र स्थानीय प्राविधिक समिति मार्फत प्रतिवेदन पठाउन आ–आफ्ना जिल्ला कमिटीलाई निर्देशन दिने सहमति समेत गरेका छन् ।

एमाले स्थायी समिति सदस्य तथा स्थानीय निकाय विभागका प्रमुख किरण गुरुङले भन्नुभयो–‘फागुन–चैतभित्र निर्वाचन गर्ने प्रतिबद्धता सहित अघि बढ्ने सहमति भएको छ ।’

एमालेले स्थानीय तहको चुनाव गर्ने सर्तमा सरकारको तयारीलाई सहयोग पु¥याउने प्रतिबद्धता जनाएको छ । गुरुङले भन्नुभयो–‘फागुन–चैतमै भए पनि चुनाव गर्ने सर्तमा सहमति जनाएर पार्टीको तर्फबाट सदन अवरोध या अरू कुनै पनि प्रकारको व्यवधान नहुने प्रतिबद्धता जनाएका छौँ ।’