हेर्नुहोस् १० बर्षीया श्रीयाको बलत्कार गर्ने राक्षसलाई

२०७५ असोज १० गते बुधबार, प्रकाशित

पोखरा २२ पुम्दीभुम्दीकी १० बर्षीया बालिका श्रीया सुनारको बलात्कारपछि हत्या गरेको आरोपमा कुशुम पौडेल भन्ने उनकै छिमेकी पक्राउ परेका छन । घटनाको २४ घण्टाभित्रै प्रहरीले मंगलबार राति २७ वर्षीय कुसुम पौडललाई पक्राउ गरेको हो ।

हत्यारा कुसुम सहित पाँच जनालाई पक्राउ गरेकोमा पौडेल मात्र दोषी देखिएको प्रहरीले जनाएको छ । बलात्कार प्रयासको प्रतिकार गर्दा १० वर्षीया बालिका श्रीया सुनारको हत्या भएको खुलेको छ । घटनामा संलग्न भएको अभियोगमा कास्की प्रहरीले २७ वर्षीय कुसुम पौडेललाई बुधबार सार्वजनिक गरेको हो ।

सोमबार साथीहरुसँग बसेर मदिरा पिएका उनले बालिकालाई एक्लै देखेपछि ५ रुपैयाँ दिएर फकाएका थिए । फेरि १० रुपैयाँ देखाएर बलात्कार गर्न खोज्दा बालिकाले प्रतिकार गरेपछि पानी ट्यांकीमुनि झाडीमा धकेलिदिएको प्रहरी अनुसन्धानबाट खुलेको छ ।

उनले फेरि बलात्कार गर्न खोज्दा बालिका चिच्याएपछि दुबै हातले घाँटी थिचेको बयान प्रहरीलाई दिएका छन । बालिका बेहोस भएपछि मृत्यु भएको ठानेर पौडेलले ढुंगाले अनुहार र टाउकोमा हानेर हत्या गरेको भेटिएको कास्की प्रहरीले जनाएको छ ।

बालिकाको हत्यापछि उनी पुनः भट्टीमा पुगेको प्रहरी अनुसन्धानबाट खुल्न आएको छ । श्रीया सोमबार विद्यालयबाट फर्कनेबित्तिकै बिस्कुट किन्न पसल गएकी थिइन तर, त्यही बेला मदिराले लठ्ठ भएका पौडेलले बलात्कार प्रयास गरी हत्या गरेको खुलेको छ ।

को हुन बलात्कार र हत्याका अभियुक्त कुशुम पौडेल ?
पोखरा–२२, पुम्दीभुम्दीका कुशुम पौडेलको घरमा श्रीमती र छोरा छन । पौडेल आमाबुवासँग छुट्टै बस्थे । काम केही छैन । मलेसिया र कतार गएर फर्किएका थिए । एक डेढ वर्ष अघि फर्केर घरमै थिए ।

लेकसाइडमा जान्छु भनेर निस्कन्थे । कन्स्ट्रक्सन लेबरमा काम गर्थे । गाउँतिर हल्लियो । रक्सी गाँजा खायो । श्रीमतीले ५० हजार बढी पैसा छोरोको पढाई खर्चका लागि ऋण मार्फत जोहो गरेकी थिईन । त्यही पैसा लिएर कता गए कता ? घर फर्केको तीन साता पनि भएको थिएन ।