ओलम्पिकमा गौरीका, दोस्रो चरणमा पुग्न असफल

२०७३ साउन २४ गते सोमबार, प्रकाशित

रियो ओलम्पिकमा कान्छि खेलाडीका रुपमा सहभागीता जनाउँदै पौडीतर्फ महिलामा नेपालको प्रतिनिधित्व गरेकी गौरीका सिंह दोस्रो चरणमा पुग्न असफल भएकी छिन । महिला १०० मिटर ब्याकस्ट्रोकको हिट्स चरणमा आफ्नो समूहमा पहिलो भएकी गौरिका राष्ट्रिय कीर्तिमान सुधार गर्न र दोस्रो चरणमा पुग्न भने असफल भएकी हुन ।

आइतबार राति भएको खेलमा गौरिकाले निर्धारीत दुरी १ मिनेट ८.४५ सेकेण्डमा पार गर्दै ३१ औं नम्बरमा रहेकी हुन् । उनी दोस्रो राउण्डमा छनौट हुन ८ सेकेण्डले पछि परेकी हुन ।

तीन खेलाडी रहेको ‘हिट १’ मा शीर्षस्थानमा रहेकी उनी १ मिनेट ७.३१ सेकेन्डको आफ्नै राष्ट्रिय कीर्तिमान तोड्न पनि असफल भएकी छिन् । गौरीका ३४ खेलाडी सहभागि प्रतिस्पर्धाको प्रारम्भिक चरणबाटै बाहिरिएकी छिन् ।