केपी वलीको गोप्य सम्बोधन सार्वजनिक
नेकपा एमालेका अध्यक्ष केपी शर्मा ओलीले आफ्नो पार्टीका अधिकांश नेताहरुमा कम्युनिष्टको आचरण र विचार नरहेको बताउनुभएको छ । पार्टी स्कुल विभागको कार्यक्रमलाई सम्बोधन गर्दै वलीले पार्टीका नेता तथा कार्यकर्ताहरुको दार्शनिक अवस्था निकै कमजोर रहेको टिप्पणी गर्नुभएको हो ।
सम्बोधनमा वलीले भन्नुभयो–‘हाम्रा केही नेताहरु ढोका थुनेर माथिल्लो तलामा ग्रह शान्ति गराउँछन । बाहिर बाहिर भौतिकवादी, भित्रभित्र आर्दशवादी ।’ अध्यक्ष वलीले आफ्नो पार्टीका धेरै नेता र कार्यकर्तालाई कम्युनिष्ट भन्न नमिल्ने बताउनुभएको हो ।
पुर्व प्रधानमन्त्री समेत रहनुभएका ओलीले भन्नुभयो–‘म जुन कम्युनिष्ट पार्टीको अध्यक्ष छु, त्यो पार्टीका अधिकांश सदस्य र नेता कम्युनिष्ट होइनन ।’ ओलीले आफूले भनेका कुरालाई गोप्य रुपमा लिन कार्यकर्तासँग आग्रह गर्नुभएको थियो ।
पार्टीको स्कुल विभागबाट प्रशिक्षण लिएका कार्यकर्तालाई नेताहरुको जस्तो दोहोरो व्यवहार प्रदर्शन नगर्न अध्यक्ष ओलीले आग्रह गर्नुभएको थियो ।
फेसबुकबाट कमेन्ट गर्नुहोस्