बुहारीकोमा परपुरुष, भरुवा बन्दुकले हत्या

२०७३ असोज १ गते शनिबार, प्रकाशित

धनकुटाको डाँडागाउँ– १ बाटाखर्कका खड्गबहादुर गुरुङले राति बुहारीको घरमा परपुरुषलाई भेटेपछी गोली हानि हत्या गरिदिएका छन् । गोली प्रहारबाट धनकुटा नगरपालिका–१४ बेलहाराका ३२ वर्षीय प्रेम भण्डारीको घटनास्थलमै मृत्यु भएको छ ।

गुरुङले राति १२ बजे बुहारीको घरमा भण्डारीलाई भेटेपछि आवेगमा आएर भरुवा बन्दुक प्रहार गरेर हत्या गरेको प्रहरी अनुसन्धानमा खुल्न आएको छ । भण्डारीलाई गोली हानेर हत्या गरेपछी गुरुङ फरार भएका थिए ।

जिल्ला प्रहरी कार्यालय धनकुटाका प्रहरी उपरीक्षक विभूतिराज पाण्डेका अनुसार मृतक भण्डारी ट्याक्टर चालक हुन । घटनापछि फरार गुरुङलाई पक्राउ गरी थप अनुसन्धान थालिएको जिल्ला प्रहरी कार्यालय धनकुटाले जनाएको छ ।