यती एयरलाइन्सको विमान भैरहवामा दुर्घटना

२०७३ असोज ८ गते शनिबार, प्रकाशित

यती एयरलाइन्सको विमान भैरहवा विमानस्थलमा अवतरण गर्ने क्रममा दुर्घटना भएको छ । अवतरण गर्दा विमान रन वेबाट पश्चिमतिर चिप्लीएर घाँसे मैदानमा पुगेको थियो । दुर्घटनाका परी विमानमा सवार ५ जना यात्रु सामान्य घाईते भएका छन् ।

जहाज विमानस्थलको रन वेबाट चिप्लिएर सुरक्षाका लागि लगाइएको जालीभन्दा केहीपर घाग्रा खोलाछेऊ पुगेको छ । दुर्घटना परेको जहाज क्षतिग्रस्त भएको छ ।

फाईल तस्विर

विमानमा सवार सबै यात्रु र चालक दलका सदस्य सकुशल छन् । विमानमा चालक दल सहित ४१ जना यात्रु सवार थिए । यती एयरलाइन्सले विमान सामान्य दुर्घटनामा परेको र सबै यात्रु सुरक्षित रहेको पुष्टी गरेको छ ।

सामान्य चोट लागेकाहरुलाई भैरहवा स्थित युनिभर्सल मेडिकल कलेज अफ साइन्समा लगिएको छ । रुपन्देहीका प्रमुख जिल्ला अधिकारी विष्णुप्रसाद अधिकारीले विमान दुर्घटनामा परेको पुष्टि गर्नुभएको छ ।