फेसबुकमा मनपरी नलेखौँ, प्रहरीले समाउला

२०७३ असोज १४ गते शुक्रबार, प्रकाशित

पछिल्लो समय सामाजिक सञ्जाल फेसबुक, ट्वीटर लगायतमा अपशब्द प्रयोग गरी गाली बेईज्जति गर्ने, अफबाह फैलाउने, मानहानि गर्ने लगायतका अपराधिक कार्य तिब्र रुपमा बढ्दै गएका छन् । जानेर या नजानेर फेसबुक लगायतका सामाजिक सञ्जालको दुरुपयोग बढ्दै गएपछी प्रहरीले पनि त्यही अनुसार कडाई गर्दै आएको छ ।

बेला बेला प्रहरीले सुचना जारी गरी सामाजिक सञ्जालको दुरुपयोग नगर्न सचेत गर्दै आएको छ । पछिल्लो पटक प्रहरीले पुन; सामाजिक सञ्जालमा अपशब्द प्रयोग गरी गाली बेईज्जति नगर्न सबैलाई सचेत गराएको छ । यदी त्यस्तो गरेको पाईएमा कडा कारबाही गर्ने चेतावनी प्रहरीले दिएको छ ।

प्रहरीको अपराध अनुसन्धान विभागले विज्ञप्ति जारी गरी सामाजिक सञ्जालमा अश्लिल, अपशब्द र अनावश्यक कमेन्टको प्रयोग बढ्दै गएको र पीडितहरुबाट आफ्नो इज्जत तथा प्रतिष्ठामा प्रतिकुल असर परेको गुनासो आएकाले त्यस्तो कार्य नगर्न सबैलाई सचेत गराएको छ ।

अनुसन्धान विभागको विज्ञप्तीमा भनिएको छ–‘फेसबुक, ट्वीटर जस्ता सबै खाले सामाजिक सञ्जाल वा विद्युतीय माध्यमको दुरुपयोग गरी व्यक्ति वा शंस्थाको इज्जत, प्रतिष्ठामा आँच पु¥याउने खालका कमेन्ट कोही कसैले नगर्न अनुरोध गर्दछौँ ।’

प्रहरीले भनेको छ–‘यदि कसैको इज्जत तथा प्रतिष्ठामा असर पर्नेगरी अभिव्यक्ति दिएमा वा गालि बेईज्जती गरेको पाईएमा कानुन बमोजिम कडा कारबाही गरीने छ ।’ प्रहरीले सामाजिक सञ्जालमा अश्लिल अभिव्यक्ति तथा गाली गलौज गरेको पाईएमा खबर गर्न पनि आग्रह गरेको छ । सामाजिक सञ्जालको प्रयोग सामाजिक मर्यादाभित्र रहेर गर्न प्रहरीले सबैलाई आग्रह गरेको छ ।