परालको टौवा र सिरानिमुनिबाट भेटियो साढे २३ लाख

२०७३ फागुन ३ गते मंगलबार, प्रकाशित

एटीएममा राखिएको रकम चोरी गरेको आरोपमा प्रहरीले एक जना बैंक कर्मचारीलाई पक्राउ गरेको छ । धनगढीस्थित नेपाल इन्भेस्टमेन्ट बैंकको शाखाबाट शुक्रबार चोरिएको २३ लाख ४४ हजारसहित बैंक कर्मचारी गोविन्द उपाध्याय पक्राउ परेका हुन् ।

शुक्रबार एटीएममा राखिएको करिव २७ लाखमध्ये २३ लाख ४४ हजार गायव भएको थियो । प्रहरीले उपाध्यायका छिमेकी लिला जोशीको घर अगाडि परालमुनि लुकाएर राखिएको अवस्थामा रकम बरामद गरेको हो ।

जिल्ला प्रहरी कार्यालय धनगढीका एसपी अर्जुन चन्दका अनुसार २२ लाख ७० हजार परालभित्र र ७४ हजार उपाध्यायको सिरानीमुनीबाट बरामद भएको हो ।