एनआरएन जापानको सदस्यता अब मोवाईलबाटै
आसन्न अधिवेशनलाई लक्षित गर्दै गैर आवासीय नेपाली संघ जापानले नयाँ तथा पुराना सदस्यको लागी आवेदन फाराम खुला गरेको छ । एनआरएनए जापानले आईतबार पत्रकार सम्मेलन गरी नयाँ सदस्यता र पुरानाको नविकरणका लागी आवेदन खुला गरिएको जानकारी गराएको हो ।
एनआरएनए जापानले जानकारी गराए अनुसार मार्च १२ देखि मे ३० सम्म सदस्यताको लागी आवेदन खुला गरिएको छ । तोकिएको समयसिमा भित्र जापानमा रहेका नेपालीहरुले नयाँ सदस्यता आवदेन भर्न पाउनेछन भने सदस्यता लिईसकेकाहरुले नविकरण गर्नुपर्नेछ ।
जुन ५ तारिखमा सदस्यहरुको पहिलो नामावली प्रकाशित गर्ने एनआरएनए जापानको कार्यतालिका छ । जुन ६ देखि ९ सम्म प्रकाशित नामावलीमा दाबी बिरोध गर्ने समयाबधी तोकिएको छ भने जुन १० मा अन्तिम नामावली प्रकाशित गरिनेछ ।
आगामी अगष्ट १३ मा एनआरएनए जापानको नयाँ कार्यसमितिका लागी अधिवेशन मिति तोकिएको छ । एनआरएन जापानले जुलाई १५ सम्म आफ्ना सम्पुर्ण क्षेत्रिय समितिको अधिवेशन गरिसक्नुपर्ने कार्यसुचि बनाएको छ ।
एनआरएन जापानले नयाँ सदस्यता र पुराना सदस्यको नविकरणका लागी स्मार्टफोन एप्लीकेसन समेत सार्बजनिक गरेको छ । एनआरएन जापानका अध्यक्ष सुदन थापाले एप्लीकेसनले जापानबासी नेपालीलाई आफ्नो समयानुकुल सदस्यता फाराम भर्न सहज हुने विश्वास व्यक्त गरेका छन ।
एनआरएन जापानले सार्बजनिक गरेको एप्लीकेसन आईफोनको एप्स स्टोरमा मात्रै उपलब्ध गराईएको छ । अन्य एण्ड्रोईड फोनमा यो एप्लीकेसन उपलब्ध छैन । त्यस्तै अगस्ट २४ मा तिज फेष्टिवल र २६ र २७ मा नेपाल फेष्टिवल गर्ने पनि एनआरएन जापानले जनाएको छ ।
फेसबुकबाट कमेन्ट गर्नुहोस्