पोखराका मुकेशले जापानमा गरे आत्महत्या

२०७४ वैशाख २६ गते मंगलबार, प्रकाशित

पोखरा रामबजार घर भई हाल जापानको टोकियो बस्दै आएका एक नेपाली युवाले आत्महत्या गरेका छन । अध्ययनको शिलशिलामा टोक्योस्थित हाईजिमामा बस्दै आएका मुकेश थापा मगरले झुण्डिएर आत्महत्या गरेका हुन ।

तीस वर्षिय मुकेश थापा मगरले हाईजिमामास्थित स्थानीय पार्कमा पासो लगाएर आत्महत्या गरेका हुन । मृतक मगर ४० दिन अघि मात्रै नेपाल गएर बिहे गरेर फर्किएका थिए ।

आत्महत्या गरेका थापामगरको शव जापान प्रहरीले तत्काल पार्कबाट लगेपछि आत्महत्याको घटना केहीदिन सार्बजनिक हुन पाएको थिएन । थापाले किन आत्महत्या गरेका हुन भन्ने कुनै पनि कारण अहिलेसम्म खुल्न सकेको छैन ।

जापान प्रहरीले मृतक थापामगरको फोटो देखाउदै पहिचान गर्न नेपालीहरुलाई सोधेको थियो । त्यसपछी मात्रै उनले आत्महत्या गरेको भन्ने सार्वजनिक भएको हो ।

तीन बर्ष अघि जापान आएका मृतक थापामगर नाकानो स्कुल अफ बिजिनेस सेन्मोन गाक्कोउमा एईगो बिजिनेस दोस्रो बर्ष अध्ययन गर्दै गरेको खुल्न आएको छ ।

परिवारको सल्लाह अनुसार नेपाली दुतावास, एनआरएन र हाईजिमा क्षेत्रका नेपालीहरुले मृतक थापामगरको शवलाई जापानमै दाहसंस्कार गर्ने तयारी गरेका छन् ।