बाग्लुङमा जीप खसेर टुक्राटुक्रा, ४ को मृत्य, ६ गम्भिर

२०७४ साउन ९ गते सोमबार, प्रकाशित

बाग्लुङको बडीगाड गाउँपालिकामा पिकअप जीप दुर्घटना हुँदा ४ जनाको मृत्यु भएको छ भने ६ जना गम्भीर घाइते भएका छन् ।

जलजलादेखि ग्वालीचौर झर्दै गरेको जीप सडकबाट करिब आठ सय मिटर तल खसेको बडिगाड गाउँपालिकाका अध्यक्ष मेयरसिँह पाइजाले जानकारी दिएका छन ।

घाइतेमध्ये धेरैको अवस्था गम्भीर भएकाले तत्काल हेलिकप्टर पठाउन गृहमन्त्रालयमा आग्रह गरिएको पाइजाले बताएका छन ।

‘सडकदेखि आठ सय मिटर भन्दा तल खसेको जिप दर्जनौँ टुक्रा परेकाले सबै जानकारी दिन सक्ने अवस्था छैन, घटनास्थलदेखि घाइतेको उद्धार गरी सडकसम्म ल्याउने काम भइरहेको छ ।’ अध्यक्ष पाइजाले भने, ‘तत्काल हेलिकप्टर पठाउन नसके मृतकहरु बढ्नेछन् ।’

बाग्लुङका प्रमुख जिल्ला अधिकारी ऋषिराम तिवारीले गृह मन्त्रालयमा हेलिकप्टरका लागि माग गरिएकाले तत्काल हेलिकप्टर घटनास्थलतर्फ जाने तयारी गरिएको बताएका छन । तिवारीले भने–‘हामीले घटना लगत्तै आर्मी र गृहसँग कुरा गरेका छौं घाइतेको उद्धारका लागि हेलिकप्टर त्यहाँ पुग्छ ।’

घटनास्थल मध्यपहाडी लोकमार्गको ग्वालीचौरदेखि केही माथि भएपनि वर्षातका बेला ठाउँ ठाउँमा सडक अवरुद्ध भएका कारण उद्धारमा समस्या भएको स्थानीयले बताएका छन् ।