सन् २०१९ बाट त्रिशुली थ्री ‘ए’को बिद्युत उत्पादन

२०७४ भदौ २८ गते बुधबार, प्रकाशित

चिनियाँ कम्पनी चाइना गेजुवा ग्रुप अफ कम्पनी (सीजीजीसी) ले निर्माण गरिरहेको त्रिशुली थ्री ‘ए’ को सुरुङ खन्ने काम लगभग अन्तिम चरणमा पुगेको छ ।

भूकम्पका कारण झन्डै २ वर्ष काम रोकेको यो कम्पनीले गत साउनको सुरुवातबाट काम सुरु गरेको थियो । जसले २ महिनामा १ सय ८६ मिटर सुरुङ खनिसकेको छ ।

यो आयोजनाको सुरुङ २ दशमलव ४ किमी लामो छ । जसमध्ये भूकम्प अघि ३.८९ किमि खनिसकेको थियो । भूकम्पका कारण पहुँच मार्ग बिग्रेपछि यसले निर्माण कार्य रोकेको थियो । भूकम्पपछि काम छाडेको यो कम्पनीले २ वर्षसम्म काम नै नगरी बसेको थियो ।

सही तवरले काम अघि बढ्न पाएको भए यो आयोजना गत वर्षको असारबाटै सञ्चालनमा आइसक्थ्यो । तर यो आयोजना सन् २०१९ को अप्रिलसम्ममा मात्रै निर्माण भइसक्ने माथिल्लो त्रिशुली थ्री ‘ए’ जलविद्युत आयोजनाका प्रमुख फणिन्द्रराज जोशीले जानकारी दिएका छन ।

जोशीले भने ‘२ महिनादेखि निरन्तर रुपमा काम अघि बढेको छ, सुरुङ निर्माण सँगै अन्य पहुँच मार्ग मर्मत, पावर हाउस निर्माणको काम ििपन अघि बढाएको छ । ‘सन् २०११ को जुनबाट काम सुरु भएकोे यो आयोजना कुल ६० मेगावाट क्षमताको छ ।

६० मेगावाटबाट बढाएर ९० मेगावाट बनाउने भनेर ठेकेदारले नै चौतर्फी लविङ गरेको थियो । तर अन्तत उ सफल हुन सकेन । पूर्वधानमन्त्री डा. बाबुराम भट्टराई पनि क्षमता बढाउने पक्षमा थिए । तर सरोकारवाला निकाय र प्राधिकरणका कर्मचारीहरुको चौतर्फी बिरोध पछि क्षमता बढाउने कुरामा भट्टराई ब्याक भएका थिए ।

आयोजनाका लागि ऋणदाता चिनियाँ बैंकसँग लिएको पाँच बर्ष ऋणको अवधि थप गरिदिन सरकारले यसअघि नै आग्रह गरिसकेको छ । सरकारले यो आयोजनाका लागि आठ अर्ब ९० करोड ऋण लिएको हो ।

ऋण तिर्ने अवधि सुरु भइसके पनि आयोजना सकिएको छैन । जसका कारण सरकारले यसको म्याद थप गर्न खोजेको छ ।

विसं २०७३ असार १६ गतेदेखि विद्युत उत्पादन सुरु गर्नुपर्ने सम्झौता भए पनि उक्त आयोजनाको निर्माण कार्यमा भूकम्प तथा ठेकेदारको बेवास्ताका कारण ढिलाइ भएको हो ।