सेक्सले लियो ज्यान; भाईको हत्या गरी आत्महत्या

२०७४ कार्तिक १२ गते आइतबार, प्रकाशित

यौन सम्बन्ध खुल्ने डरले भाईको हत्या गरेको आरोप लागी प्रहरीले पक्राउ गरेकी सिरहाको कर्जन्हा–२ की १६ वर्षीया किशोरी प्रियंका यादवले प्रहरी हिरासतमै आत्महत्या गरेकी छन् ।

आफ्नो यौन सम्बन्ध लुकाउन ठूलोबुबाका छोरा भवेश यादवको हत्या गरेको आरोपमा युवक संजयकुमार र प्रियंकालाई पक्राउ गरी मिर्चैया प्रहरीले आज मध्याहृन सार्वजनिक गरेको थियो ।

इलाका प्रहरी कार्यालय मिर्चैयामा थुनुवा राख्ने ठाउँ नभएपछि हत्या आरोपी दुबैलाई इलाका प्रहरी कार्यालय बिष्णुपुर लगिएको थियो । साँझ ५ बजेतिर प्रहरीको अनुमतिमा चौकीकै बाथरुममा नुहाउन छिरेकी उनले सलको पासो लगाएर आत्महत्या गरेको बिष्णुपुर प्रहरी चौकीले पुष्टि गरेको छ ।

परिवारका सदस्य आइनपुगेको हुनाले मृतक प्रियंकाको शव अहिले बाथरुममै छ । परिवारका सदस्य आएपछि थप प्रक्रिया अगाडि बढाइने प्रहरीले जनाएको छ ।

गाउँ नजिकैको जंगलमा भैसी चराउन जाँदा १६ बर्षिया प्रियंका र गाउँकै १४ बर्षिय सञ्जयकुमार साहलाई आपत्तिजनक अवस्थामा देखेका प्रियंकाका भाई भवेशलाई यौन सम्बन्ध खुल्ने डरले उनीहरुले हत्या गरेको प्रहरीसँग स्वीकार गरेका थिए ।

प्रहरीले सार्बजनिक गरेको ३÷४ घण्टा नपुग्दै हत्या आरोपी युवतीले प्रहरी कार्यालयभित्रै आत्महत्या गरेको यो घटनाले नेपालको सामाजीक मनोदशा र कानुन कार्यान्वयन प्रक्रियाबारे सोच्न बाध्य बनाएको छ ।

यो पनि पढ्नुहोस्;

यौन सम्बन्ध लुकाउन युवायुवतीले गरे भाईको हत्या