हुण्डीको २६ लाख १५ हजारसहित दुई युवक पक्राउ

२०७४ मंसिर ११ गते सोमबार, प्रकाशित

हुण्डीको पैसा बोकेर हिड्दै गरेका दुई युवकलाई प्रहरीले २६ लाख १५ हजार रुपैयाँ नगदसहित पक्राउ गरेको छ । आईतबार चेकजाँचका क्रममा नुवाकोट पञ्चकन्या–२ का शिव विष्ट र राजकुमार श्रेष्ठलाई प्रहरीले पक्राउ गरेको हो ।

प्रहरीले रकमको स्रोत नखुलेको भन्दै उनीहरुलाई काठमाडौँको गल्कोपाखाबाट पक्राउ गरेको जनाएको छ । प्रारम्भिक अनुसन्धानमा उनीहरुले हुण्डीमार्फत ४ करोड राजश्व छलेको पाइएको प्रहरीको भनाई छ ।

पक्राउ परेका दुवैलाई आवश्यक कारवाहीका लागि राजश्व अनुसन्धान विभाग पुल्चोक पठाइएको महानगरीय प्रहरी बृत सोह्रखुट्टेका डिएसपी दीपक पोखरेलले जानकारी दिएका छन ।