जापानमा बन्यो ‘छैना दायाँबायाँ’ को म्युजिक भिडियो

२०७४ चैत ५ गते सोमबार, प्रकाशित

अध्ययनका शिलशिलामा जापानमा बस्दै आएका नव गायक तथा सर्जक केशव शर्माले लोकदोहोरी गित ‘छैनौ दायाँबायाँ’ बजारमा ल्याएका छन । केशव शर्माको सुमधुर आवाज रहेको ‘छैनौ दायाँबायाँ’ गितमा पछिल्लो समय चर्चामा रहेकी गायिका सम्झना भण्डारीले स्वरमा साथ दिएकी छिन ।

लोकदोहोरी क्षेत्रमा चलेको नाम तेजस रेग्मीले गितको लय बनाएका हुन । गितका शब्दहरु सतिश अधिकारीले लेखेका हुन । गायक शर्माले यसअघि पनि केही गितहरु गाईसकेका छन ।

गितको म्युजिक भिडियो एसकेथ्री इन्टरटेन्मेन्टले बजारमा ल्याएको छ । म्युजिक भिडियोलाई गायक केशव शर्मा स्वयंले निर्देशन गरेका छन । विकास रानाभाट, विपिन रेग्मी र सोना के.सीले भिडियोमा अभिनय गरेका छन । रोशन कार्कीले भिडियो छायांकन गरेका छन ।

गितको भिडियो जापानकै बिभिन्न मनोरम स्थानहरुमा छायांकन गरिएको छ । गितको म्युजिक भिडियोलाई एसकेथ्री इन्नरटेन्मेन्ट युट्युव च्यानलमार्फत सार्बजनिक गरिएको छ । यो समाचार तयार पार्दासम्म दुई दिनमा भिडियोलाई ३१ हजार बढिले हेरिसकेका छन ।