सेप्टेम्बर ३० मा जापानको तोचिगीमा लाईभ म्युजिक
जापानको तोचिगी आसपासको क्षेत्रमा वस्दै आएका नेपाली कलाकारहरुले सेप्टेम्बर ३० मा तोचिगीमा धमाका मच्चाउने भएका छन । कामको सिलसिलामा जापानमा रहेका नेपाली कलाकारहरुले तोचिगीबासी नेपालीहरुलाई मनोरञ्जन प्रदान गर्ने भएका हुन ।
गैर आवासीय नेपाली संघ जापानको तोचिगी कमिटीले आयोजना गरेको लाईभ म्युजिक कार्यक्रममा नमस्ते नेपाल ब्याण्डका कलाकार र ओहिरा गाईजको ब्याण्डले नेपाली गितसंगित प्रस्तुत गर्ने बताईएको छ ।
लाईभ म्युजिकमा गायक सुदिप थकालीका साथै नमस्ते नेपाल ब्याण्डका सचिन दर्नाल, सुविन लामा, सागर गुरुङ, कमल थिङ, मिलन घलान तामाङ र अमर थापाको प्रस्तुती रहनेछ भने ओहिरा गाईजका दावा लामा, प्रेम गुरुङ, नविन दाहाल, भिम वाईवा र सचिन परियारले पनि प्रस्तुती राख्नेछन ।
आयोजक एनआरएनए जापान तोचिगीका अनुसार लाईभ म्युजिक कार्यक्रम तोचिगी स्टेसन नजिकै रहेको हाम्रो रेष्टुरेन्ट एण्ड वारमा आयोजना गरिएको छ । दिउँसो २ बजेबाट सुरु हुने लाईभ म्युजिक साँझ ७ बजेसम्म चल्ने आयोजकले जनाएको छ ।
पुर्वनिर्धारित कार्यक्रममा यसअघि विजय लामा एण्ड व्याण्डको प्रस्तुती रहने बताईएकोमा गायक विजय लामाको पारिवारीक समस्याका कारण उनी अकस्मात नेपाल गएकाले लामाको प्रस्तुती नरहने भएको छ । आयोजक एनआरएनए तोचिगीले तोचिगी आसपास बस्ने सबै नेपालीलाई कार्यक्रममा उपस्थित भई मनोरञ्जन लिन आग्रह गरेको छ ।
फेसबुकबाट कमेन्ट गर्नुहोस्