स्वस्तिमाले किन छोडिन त ‘दाल भात तरकारी’ ?
ठिक्क परेको ‘दाल भात तरकारी’ स्वस्तिमा खड्काले समय अभावका कारण हात झिकेपछी आँचल शर्माको प्रवेश भएको छ । मह संचार र किरण केसीको संयुक्त निर्माणमा बन्न लागेको चलचित्र ‘दाल भात तरकारी’मा नायिका खड्काको भूमिका अब नायिका आँचल शर्माले गर्ने भएकी छिन् ।
सामाजिक कथावस्तुलाई कमेडी शैलीमा प्रस्तुत गर्ने बताइएको चलचित्रलाई सुदन केसीले निर्देशन गर्न लागेका हुन् । मंसिर १ गतेबाट फ्लोरमा जान लागेको चलचित्रमा पुष्पल खड्का, बर्षा राउत, प्रियंका कार्कीको मुख्य भूमिका रहनेछ ।
अन्य कलाकारहरुमा मदनकृष्ण श्रेष्ठ, हरिवंश आचार्य, किरण केसी, शिवहरि पौडेल, राजाराम पौडेल, बसुन्धरा भुषाल, विल्सन विक्रम राई, सुरेन्द्र केसीको पनि अभिनय रहनेछ ।
यसअघि मह संचार तथा किरण केसीकै निर्माणमा बनेको चलचित्र ‘शत्रु गते’मा नायिका बनेकी आँचलले कलाकारको हुलमुल हुने फिल्ममा काम नगर्ने बताउँदै आएकी थिइन् । जसअनुसार उनी यस फिल्ममा थिइनन् तर स्वस्तिमाले फिल्मबाट हात झिकेसँगै पूनः आँचलनै यस फिल्ममा खेल्ने भएकी छिन् ।
फेसबुकबाट कमेन्ट गर्नुहोस्