जापानको नागोयामा सडक दुर्घटनामा ममताको निधन
विपरित दिशाबाट आएको गाडीले ठक्कर दिँदा जापानको नागोया शहरमा एक नेपाली महिलाको घटनास्थलमैं मृत्यु भएको छ । नेपालमा पर्सा माईती भई नुवाकोट घर भएकी ममता मोक्तानको
सोमबार बिहान करिब ९ः३० बजेतिर कलेज जाने क्रममा गाडीको ठक्करबाट मृत्यु भएको हो ।
सोमबार बिहान कलेज जाने क्रममा साईकलमा सवार ममता मोक्तानको विपरित दिशाबाट आएको गाडीले ठक्कर दिँदा घटनास्थलमै मृत्यु भएको प्रहरीले जनाएको छ । मृतक ममता मोक्तान एक महिना अघि मात्र बिबाह बन्धनमा बाँधिएर अप्रिल ४ मा पतिसहित जापान आएकी थिईन् ।
मृतक ममता मोक्तानका पति राम तामाङ सैलुङ अनलाईन डट कमका पत्रकार हुन् । सन् २०१६ मा जापान आएकी मृतक मोक्तान ओकिनावाबाट जापानी भाषा कक्षाको अध्ययन सकेर नागोयाको होक्काईची कलेज अफ ईन्फरमेशन सेन्मोन गाक्को अध्ययन गर्दै आएकी थिईन ।
सडक दुर्घटनामा ममता मोक्तानको मृत्यु भएपछि नागोया प्रहरीले दुर्घटनामा गल्ती कसको हो भन्ने बिषयमा अनुसन्धान गरिरहेको छ । मृतक ममताको शव पोष्टमार्टम गरी परिवारको जिम्मा लगाईएको छ । आज पारिवारीक छलफल गरी सम्भवत; भोली जापानमै ममताको अन्तिम दाहसंस्कार गरिने बताइएको छ ।
फेसबुकबाट कमेन्ट गर्नुहोस्